South Florida ‘ਚ ਛੋਟਾ ਜਹਾਜ਼ ਕਰੈਸ਼: ਤਿੰਨ ਮੌਤਾਂ, ਇੱਕ ਜ਼ਖਮੀ
Plane crashes: ਦੱਖਣੀ ਫਲੋਰੀਡਾ ਦੇ ਬੋਕਾ ਰਾਟਨ ਵਿੱਚ ਅੰਤਰਰਾਜੀ ਹਾਈਵੇਅ ਨੇੜੇ ਇੱਕ ਛੋਟਾ ਜਹਾਜ਼ ਕਰੈਸ਼ ਹੋ ਗਿਆ। ਇਸ ਹਾਦਸੇ ਵਿੱਚ ਜਹਾਜ਼ ਵਿੱਚ ਸਵਾਰ ਤਿੰਨੇ ਵਿਅਕਤੀਆਂ ਦੀ ਮੌਤ ਹੋ ਗਈ, ਅਤੇ ਇੱਕ ਕਾਰ ਵਿੱਚ ਸਵਾਰ ਵਿਅਕਤੀ ਜ਼ਖਮੀ ਹੋਇਆ, ਜਿਸ ਨੂੰ ਜਹਾਜ਼ ਨੇ ਟੱਕਰ ਮਾਰ ਕੇ ਰੇਲਵੇ ਟਰੈਕ ਉੱਤੇ ਧੱਕ ਦਿੱਤਾ।
ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ ਨੇ ਜਹਾਜ਼ ਦੀ ਪਛਾਣ ਸੇਸਨਾ 310 ਵਜੋਂ ਕੀਤੀ ਜਿਸ ਵਿੱਚ ਤਿੰਨ ਲੋਕ ਸਵਾਰ ਸਨ। ਜਹਾਜ਼ ਨੇ ਬੋਕਾ ਰਾਟਨ ਹਵਾਈ ਅੱਡੇ ਤੋਂ ਟੇਕਆਫ ਕੀਤਾ ਸੀ ਅਤੇ ਤਕਨੀਕੀ ਸਮੱਸਿਆਵਾਂ ਕਾਰਨ ਹਾਦਸਾਗ੍ਰਸਤ ਹੋਇਆ। ਅੱਗ ਲੱਗਣ ਕਾਰਨ ਇਲਾਕੇ ਵਿੱਚ ਕਾਫੀ ਨੁਕਸਾਨ ਹੋਇਆ, ਅਤੇ ਮਿਲਟਰੀ ਟਰੇਲ ਸਮੇਤ ਕਈ ਸੜਕਾਂ ਅਤੇ ਰੇਲਵੇ ਟਰੈਕ ਬੰਦ ਕਰ ਦਿੱਤੇ ਗਏ।
ਫਾਇਰ ਅਧਿਕਾਰੀਆਂ ਨੇ ਸਾਊਥ ਫਲੋਰੀਡਾ ਸਨ ਸੈਂਟੀਨੇਲ ਨੂੰ ਦੱਸਿਆ ਕਿ ਜਹਾਜ਼ ਨੇ ਇੱਕ ਕਾਰ ਨੂੰ ਰੇਲ ਪਟੜੀਆਂ ‘ਤੇ ਧੱਕ ਦਿੱਤਾ ਸੀ, ਜਿਸ ਕਾਰਨ ਪਟੜੀਆਂ ਬੰਦ ਹੋ ਗਈਆਂ। ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ (NTSB) ਅਤੇ ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਲਗਾਤਾਰ ਜਾਂਚ ਕਰ ਰਹੇ ਹਨ।
