RCB ਨੂੰ 20 ਕਰੋੜ ਤੇ PBKS ਨੂੰ 12.5 ਕਰੋੜ ਦਾ ਇਨਾਮ
ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਨੇ IPL 2025 ਦੀ ਚਮਕਦਾਰ ਟਰਾਫੀ ਦੇ ਨਾਲ 20 ਕਰੋੜ ਰੁਪਏ ਦਾ ਜੇਤੂ ਇਨਾਮ ਹਾਸਲ ਕੀਤਾ ਅਤੇ ਪੰਜਾਬ ਕਿੰਗਜ਼ (PBKS), ਜੋ IPL 2025 ਦੀ ਉਪ-ਜੇਤੂ ਰਹੀ, ਨੂੰ 12.5 ਕਰੋੜ ਰੁਪਏ ਦਾ ਇਨਾਮੀ ਰਾਸ਼ੀ ਮਿਲੀ ਹੈ | 3 ਜੂਨ, 2025 ਨੂੰ ਅਹਿਮਦਾਬਾਦ ਦੇ ਨਰੇਂਦਰ ਮੋਦੀ ਸਟੇਡੀਅਮ ਵਿੱਚ ਪੰਜਾਬ ਕਿੰਗਜ਼ (PBKS) ਨੂੰ 6 ਰਨਾਂ ਨਾਲ ਹਰਾਉਂਦੇ ਹੋਏ RCB ਨੇ ਆਪਣਾ ਪਹਿਲਾ IPL ਖਿਤਾਬ ਜਿੱਤਿਆ। ਇਸ ਜਿੱਤ ਨੇ 18 ਸਾਲਾਂ ਦੇ ਇੰਤਜ਼ਾਰ ਨੂੰ ਖਤਮ ਕਰਦੇ ਹੋਏ ਟੀਮ ਅਤੇ ਸਮਰਥਕਾਂ ਵਿੱਚ ਜੋਸ਼ ਭਰ ਦਿੱਤਾ
RCB ਦੇ ਕਪਤਾਨ ਰਜਤ ਪਟੀਦਾਰ ਨੇ ਇਸ ਜਿੱਤ ਨੂੰ ਟੀਮ ਅਤੇ ਸਮਰਥਕਾਂ ਲਈ ਵਿਸ਼ੇਸ਼ ਦੱਸਿਆ, ਜਿਨ੍ਹਾਂ ਨੇ ਸਾਲਾਂ ਤੋਂ ਟੀਮ ਦਾ ਸਮਰਥਨ ਕੀਤਾ। ਮੈਚ ਵਿੱਚ 190 ਦਾ ਸਕੋਰ ਬਣਾਉਣ ਤੋਂ ਬਾਅਦ, RCB ਦੀਆਂ ਸਟ੍ਰੈਟਜੀ ਅਤੇ ਗੇਂਦਬਾਜ਼ਾਂ ਦੀ ਸ਼ਾਨਦਾਰ ਪ੍ਰਦਰਸ਼ਨ ਨੇ ਜਿੱਤ ਨੂੰ ਸੰਭਵ ਬਣਾਇਆ। ਵਿਰਾਟ ਕੋਹਲੀ ਨੇ ਟਰਾਫੀ ਨੂੰ ਚੁੰਮ ਕੇ ਅਤੇ ਸਮਰਥਕਾਂ ਨਾਲ ਜਸ਼ਨ ਮਨਾ ਕੇ ਇਸ ਭਾਵੁਕ ਪਲ ਨੂੰ ਯਾਦਗਾਰ ਬਣਾਇਆ। ਬੈਂਗਲੁਰੂ ਵਿੱਚ RCB ਦੀ ਜਿੱਤ ਦਾ ਜਸ਼ਨ ਜ਼ੋਰ-ਸ਼ੋਰ ਨਾਲ ਮਨਾਇਆ ਗਿਆ, ਅਤੇ 4 ਜੂਨ ਨੂੰ ਇੱਕ ਵਿਜੇਤਾ ਪਰੇਡ ਦਾ ਐਲਾਨ ਵੀ ਕੀਤਾ ਗਿਆ।
