Manipur floods: ਮਨੀਪੁਰ ‘ਚ ਹੜ੍ਹ ਦਾ ਕਹਿਰ ਜਾਰੀ, ਕਈ ਪਿੰਡ ਪਾਣੀ ‘ਚ ਡੁੱਬੇ, CM N. Biren Singh ਨੇ ਕੀਤਾ ਦੌਰਾ
ਮਨੀਪੁਰ ਦੀ ਰਾਜਧਾਨੀ ਇੰਫਾਲ ਸਮੇਤ ਕਈ ਇਲਾਕਿਆਂ ਵਿੱਚ ਹੜ੍ਹ ਨੇ ਭਾਰੀ ਤਬਾਹੀ ਮਚਾਈ ਹੈ। 56,000 ਤੋਂ ਵੱਧ ਲੋਕ ਪ੍ਰਭਾਵਿਤ ਹੋਏ ਹਨ ਅਤੇ 174 ਪਿੰਡ ਪਾਣੀ ਵਿੱਚ ਡੁੱਬ ਗਏ ਹਨ। ਇਹ ਹੜ੍ਹ ਨਦੀਆਂ ਦੇ ਓਵਰਫਲੋ ਅਤੇ ਤਟਬੰਧਾਂ ਦੇ ਟੁੱਟਣ ਕਾਰਨ ਆਇਆ, ਜਿਸ ਨਾਲ 10,477 ਘਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਇੰਫਾਲ ਪੂਰਬੀ ਜ਼ਿਲ੍ਹਾ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ, ਜਿੱਥੇ ਖੁਰਾਈ, ਹੇਇੰਗੰਗ, ਅਤੇ ਚੈੱਕਨ ਵਰਗੇ ਇਲਾਕੇ ਪਾਣੀ ਵਿੱਚ ਡੁੱਬ ਗਏ।
ਸਰਕਾਰ ਨੇ 57 ਰਾਹਤ ਕੈਂਪ ਸਥਾਪਿਤ ਕੀਤੇ ਹਨ, ਮੁੱਖ ਤੌਰ ‘ਤੇ ਇੰਫਾਲ ਪੂਰਬੀ ਵਿੱਚ, ਜਿੱਥੇ 2,913 ਲੋਕਾਂ ਨੂੰ ਸੁਰੱਖਿਅਤ ਸਥਾਨਾਂ ‘ਤੇ ਪਹੁੰਚਾਇਆ ਗਿਆ। ਇੱਕ ਵਿਅਕਤੀ ਦੀ ਨਦੀ ਵਿੱਚ ਵਹਿਣ ਨਾਲ ਮੌਤ ਹੋ ਗਈ। ਪਿਛਲੇ ਪੰਜ ਦਿਨਾਂ ਵਿੱਚ 93 ਭੂਸਖਲਣ ਦੀਆਂ ਘਟਨਾਵਾਂ ਵੀ ਸਾਹਮਣੇ ਆਈਆਂ, ਜਿਸ ਨੇ ਸਥਿਤੀ ਨੂੰ ਹੋਰ ਵੀ ਜਿਆਦਾ ਵਿਗੜ ਦਿੱਤਾ ਹੈ।
ਅਸਮ ਰਾਈਫਲਜ਼, NDRF, ਅਤੇ ਸਥਾਨਕ ਸੰਗਠਨ ਰਾਹਤ ਅਤੇ ਬਚਾਅ ਕਾਰਜਾਂ ਵਿੱਚ ਜੁਟੇ ਹੋਏ ਹਨ। ਮੁੱਖ ਮੰਤਰੀ ਐੱਨ. ਬੀਰੇਨ ਸਿੰਘ ਅਤੇ ਰਾਜਪਾਲ ਅਜੈ ਕੁਮਾਰ ਭੱਲਾ ਨੇ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕੀਤਾ ਅਤੇ ਸਹਾਇਤਾ ਦਾ ਭਰੋਸਾ ਦਿੱਤਾ ਹੈ |
