International Yoga Day 2025: PM Modi ਨੇ Visakhapatnam ‘ਚ ਮਨਾਇਆ 11ਵਾਂ ਕੌਮਾਂਤਰੀ ਯੋਗ ਦਿਵਸ
11ਵੇਂ ਕੌਮਾਂਤਰੀ ਯੋਗ ਦਿਵਸਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਵਿੱਚ ਮੁੱਖ ਸਮਾਗਮ ਦੀ ਅਗਵਾਈ ਕੀਤੀ। ਇਹ ਸਮਾਗਮ ਰਾਮਕ੍ਰਿਸ਼ਨ ਬੀਚ ਤੋਂ ਭੋਗਾਪੁਰਮ ਤੱਕ 26 ਕਿਲੋਮੀਟਰ ਲੰਬੇ ਖੇਤਰ ਵਿੱਚ ਹੋਇਆ, ਜਿਸ ਵਿੱਚ ਲਗਭਗ 5 ਲੱਖ ਲੋਕਾਂ ਨੇ ਹਿੱਸਾ ਲਿਆ। ਇਸ ਸਾਲ ਦਾ ਥੀਮ ਹੈ “ਯੋਗਾ ਫਾਰ ਵਨ ਅਰਥ, ਵਨ ਹੈਲਥ”, ਜਿਸ ਦਾ ਅਰਥ ਵਿਅਕਤੀਗਤ ਅਤੇ ਗ੍ਰਹਿ ਸਿਹਤ ਦੀ ਏਕਤਾ ‘ਤੇ ਜ਼ੋਰ ਦੇਣਾ ਹੈ |
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਯੋਗਾ ਸਰਹੱਦਾਂ, ਪਿਛੋਕੜ ਅਤੇ ਉਮਰ ਤੋਂ ਪਰ੍ਹੇ ਸਭ ਦੇ ਲਈ ਹੈ। ਉਨ੍ਹਾਂ ਨੇ ਯੋਗਾ ਨੂੰ “ਮਾਨਵਤਾ ਦਾ ਪੌਜ਼ ਬਟਨ” ਦੱਸਿਆ, ਜੋ ਸੰਸਾਰ ਵਿੱਚ ਸ਼ਾਂਤੀ ਅਤੇ ਸੰਤੁਲਨ ਲਿਆ ਸਕਦਾ ਹੈ। ਉਨ੍ਹਾਂ ਨੇ ਗਲੋਬਲ ਸਮਾਜ ਨੂੰ ਯੋਗਾ ਨੂੰ ਅਪਣਾਉਣ ਦੀ ਅਪੀਲ ਕੀਤੀ ਤਾਂ ਜੋ ਅੰਦਰੂਨੀ ਸ਼ਾਂਤੀ ਵਿਸ਼ਵ ਨੀਤੀ ਬਣ ਸਕੇ।
ਇਹ ਜ਼ਿਕਰਯੋਗ ਹੈ ਕਿ ਪੀਐਮ ਮੋਦੀ ਨੇ 2014 ਵਿੱਚ ਸੰਯੁਕਤ ਰਾਸ਼ਟਰ ਜਨਰਲ ਅਸੈਂਬਲੀ ਵਿੱਚ ਯੋਗ ਦਿਵਸ ਦੀ ਪ੍ਰਸਤਾਵਨਾ ਰੱਖੀ ਸੀ, ਜਿਸ ਨੂੰ 170 ਤੋਂ ਵੱਧ ਦੇਸ਼ਾਂ ਦੇ ਸਮਰਥਨ ਨਾਲ 2015 ਤੋਂ ਮਨਾਇਆ ਜਾ ਰਿਹਾ ਹੈ। ਇਸ ਸਮਾਗਮ ਨੇ ਯੋਗ ਨੂੰ ਵਿਸ਼ਵ ਪੱਧਰ ‘ਤੇ ਜੀਵਨ ਸ਼ੈਲੀ ਦਾ ਹਿੱਸਾ ਬਣਾਇਆ ਹੈ |
