Anti-Corruption Branch: AAP ਦੇ ਨੇਤਾ Manish Sisodia ਅਤੇ Satyendar Jain ਨੂੰ ਸੰਮਨ ਕੀਤੇ ਜਾਰੀ
DELHI NEWS: ਦਿੱਲੀ ਦੇ ਸਰਕਾਰੀ ਸਕੂਲਾਂ ਵਿੱਚ 12,748 ਕਲਾਸਰੂਮਾਂ ਦੀ ਉਸਾਰੀ ਵਿੱਚ ਕਥਿਤ ₹2,000 ਕਰੋੜ ਦੇ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਦਿੱਲੀ ਸਰਕਾਰ ਦੀ ਐਂਟੀ-ਕਰੱਪਸ਼ਨ ਬ੍ਰਾਂਚ (ACB) ਨੇ ਆਮ ਆਦਮੀ ਪਾਰਟੀ (AAP) ਦੇ ਨੇਤਾਵਾਂ ਮਨੀਸ਼ ਸਿਸੋਦੀਆ ਅਤੇ ਸਤੇਂਦਰ ਜੈਨ ਨੂੰ ਸੰਮਨ ਜਾਰੀ ਕੀਤੇ ਹਨ। ਸਤੇਂਦਰ ਜੈਨ ਨੂੰ 6 ਜੂਨ ਅਤੇ ਮਨੀਸ਼ ਸਿਸੋਦੀਆ ਨੂੰ 9 ਜੂਨ 2025 ਨੂੰ ਪੁੱਛਗਿੱਛ ਲਈ ਬੁਲਾਇਆ ਗਿਆ ਹੈ।
ਤੁਹਾਨੂੰ ਦੱਸ ਦਈਏ ਇਹ ਮਾਮਲਾ 2015 ਵਿੱਚ ਅਰਵਿੰਦ ਕੇਜਰੀਵਾਲ ਦੀ ਅਗਵਾਈ ਵਾਲੀ AAP ਸਰਕਾਰ ਦੌਰਾਨ ਸ਼ੁਰੂ ਕੀਤੇ ਗਏ ਪ੍ਰੋਜੈਕਟ ਨਾਲ ਸਬੰਧਤ ਹੈ, ਜਿਸ ਵਿੱਚ 193 ਸਕੂਲਾਂ ਵਿੱਚ 2,405 ਕਲਾਸਰੂਮ ਬਣਾਉਣ ਦੀ ਯੋਜਨਾ ਸੀ, ਪਰ ਬਾਅਦ ਵਿੱਚ 7,180 ਸਮਾਨ ਕਲਾਸਰੂਮਾਂ (ECR) ਦੀ ਲੋੜ ਦੱਸੀ ਗਈ। ਸੈਂਟਰਲ ਵਿਜੀਲੈਂਸ ਕਮਿਸ਼ਨ (CVC) ਅਤੇ ਦਿੱਲੀ ਦੀ ਵਿਜੀਲੈਂਸ ਡਾਇਰੈਕਟੋਰੇਟ ਨੇ ਪ੍ਰੋਜੈਕਟ ਵਿੱਚ “ਗੰਭੀਰ ਅਨਿਯਮਿਤਤਾਵਾਂ” ਦੀ ਪਛਾਣ ਕੀਤੀ, ਜਿਸ ਵਿੱਚ ਪ੍ਰਤੀ ਕਲਾਸਰੂਮ ਦੀ ਔਸਤ ਲਾਗਤ ₹24.86 ਲੱਖ ਦੱਸੀ ਗਈ, ਜੋ ਕਿ ਬਜ਼ਾਰ ਮੁੱਲ (ਲਗਭਗ ₹5 ਲੱਖ ਪ੍ਰਤੀ ਕਮਰਾ) ਤੋਂ ਪੰਜ ਗੁਣਾ ਜ਼ਿਆਦਾ ਸੀ।
