Amritsar Chandigarh Airport: ਸੁਰੱਖਿਆ ਕਰਕੇ ਅਸਥਾਈ ਤੌਰ ‘ਤੇ ਬੰਦ
ਅੰਮ੍ਰਿਤਸਰ ਹਵਾਈ ਅੱਡਾ, ਜਿਸ ਨੂੰ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡਾ ਵੀ ਕਿਹਾ ਜਾਂਦਾ ਹੈ, 8 ਮਈ 2025 ਨੂੰ ਸੁਰੱਖਿਆ ਕਾਰਨਾਂ ਕਰਕੇ ਅਸਥਾਈ ਤੌਰ ‘ਤੇ ਬੰਦ ਹੈ। ਇਹ ਬੰਦੀ ਭਾਰਤ ਦੀ ਸੈਨਾ ਵੱਲੋਂ ਪਾਕਿਸਤਾਨ ਅਤੇ ਪਾਕਿਸਤਾਨ-ਕਬਜ਼ੇ ਵਾਲੇ ਕਸ਼ਮੀਰ ਵਿੱਚ ਅੱਤਵਾਦੀ ਠਿਕਾਣਿਆਂ ‘ਤੇ ਕੀਤੀ ਗਈ “ਓਪਰੇਸ਼ਨ ਸਿੰਦੂਰ” ਕਾਰਵਾਈ ਦੇ ਨਤੀਜੇ ਵਜੋਂ ਹੋਈ ਹੈ। ਇਹ ਕਾਰਵਾਈ 7 ਮਈ 2025 ਨੂੰ ਕੀਤੀ ਗਈ ਸੀ
ਚੰਡੀਗੜ੍ਹ ਹਵਾਈ ਅੱਡਾ (ਸ਼ਹੀਦ ਭਗਤ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡਾ) ਨੂੰ ਸੁਰੱਖਿਆ ਚਿੰਤਾਵਾਂ ਕਾਰਨ ਬੰਦ ਕਰ ਦਿੱਤਾ ਗਿਆ ਹੈ। ਉਡਾਣਾਂ ਰੱਦ ਕਰਨ ਦਾ ਫੈਸਲਾ 10 ਮਈ 2025 ਤੱਕ ਜਾਰੀ ਰਹਿਣ ਦੀ ਸੰਭਾਵਨਾ ਹੈ, ਜਦੋਂ ਤੱਕ ਸੁਰੱਖਿਆ ਸਥਿਤੀ ਸਥਿਰ ਨਹੀਂ ਹੋ ਜਾਂਦੀ, ਓਦੋ ਤੱਕ ਇਹ ਫੈਸਲਾ ਜਾਰੀ ਰਹੇਗਾ |
ਚੰਡੀਗੜ੍ਹ ਹਵਾਈ ਅੱਡਾ ਬੰਦ ਅਤੇ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਏਅਰ ਇੰਡੀਆ ਅਤੇ ਅਲਾਇੰਸ ਏਅਰ ਦੀਆਂ ਸੂਚਨਾਵਾਂ ਅਨੁਸਾਰ, ਇਹ ਬੰਦੀ ਘੱਟੋ-ਘੱਟ 10 ਮਈ 2025 ਨੂੰ ਸਵੇਰੇ 5:29 ਵਜੇ (IST) ਤੱਕ ਜਾਰੀ ਰਹੇਗੀ। ਹਵਾਈ ਅੱਡੇ ਦੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਉਡਾਣਾਂ “ਅਗਲੇ ਨੋਟਿਸ ਤੱਕ” ਰੱਦ ਰਹਿਣਗੀਆਂ। ਭਾਰਤੀ ਹਵਾਈ ਸੈਨਾ ਨੇ ਹਵਾਈ ਅੱਡੇ ਦਾ ਪੂਰਾ ਕੰਟਰੋਲ ਲਿਆ ਹੋਇਆ ਹੈ |
